Showbiz

Som sikkert mange har fått med seg er det god gang i aulaen for tida. Lyerevyen er allereie i full gang med framsyningar og i går gjekk premieren av stabelen. Hanne og eg måtte sjølvsagt ta turen ned. Til tross for at Torulf Time hadde forsvunne, var det likevel kjempebra det dei hadde klart å få til og me fekk begge oss ein god latter. Eg skal ikkje røpa for mykje, men "Lye-steinen" får gjennomgå ein del.

Som sagt skjer det mykje i aulaen, og på onsdag brakar det laus med musikalen "Flower å power" som er ein sjølvlaga musikal av tiande trinn på Lye ungdomsskule. Me vil ha førestilling også på torsdag. Derfor har du ingen unnskyldning for ikkje å koma. Nokre stikkord for musikalen vil bli hippiear, problem, vennskap, fargar og fred. Dersom publikumstala blir høge (noko me håpar på) vil overskottet gå til eit godt formål. Ser me deg i aulaen, då?