Oppdatering før ferien

Det er snart vinterferie. I år skal eg og mamma fly til snøen i Hakadal. Det blir herleg. Eg har nesten ikkje hatt ski på føtene i år, så det skal bli kjekt!

I helga var June, Mariann, Ingvild, Venke og eg på sleepover hos Hilde Marie på "HMH Farm". Agnete var også med, men ho måtte gå før me la oss. Me fekk masse god mat og låg på madrassar i kjellaren hennar. Om kvelden såg me ein skummel film, "Vacancy" som handla om eit ektepar som fekk motorstopp og måtte overnatta på eit gammalt motel. På hotelrommet var det brunt vatn og den einaste underhaldninga dei hadde, var eit fjernsyn og videoar med ekle drapsfilmar på. Men etter kvart som dei såg på filmane oppdaga dei at filmane var filma i det same rommet som dei befann seg i! Og plutseleg oppdaga dei skjulte kamera over alt i hotellrommet, og etter kvart byrja det å banka og hamra på døra. Dei var i ferd med å bli offer for drapsmenna. Eg befant meg for det meste bak dyna. Og fleire av oss ville helst slå av filmen, men han vart etter kvart så spennande at me måtte sjå han ferdig. Det blei mykje moro utover kvelden og me la oss halv fire og stod opp 12. Veldig kjekt!

I dag fann Ingvild tomatspelet. Det var eit sjokk. Eg trudde tomatspelet var forsvunne for godt, men no er det altså tilbake igjen! http://www.idunketchup.no/

Eg skal spela kamp i morgon og på onsdag. I tillegg til at det er norskframføring og matteprøve. Så no må eg slutta av.

Snart vinterferie!