Sjefs skidag!

Torsdag den 10. mars drog alle elevane på Lye ungdomsskule opp til Fidjeland i Sirdalen for å kosa seg i snøen. Nokre stod på snowboard, nokre på slalom, andre gjekk langrenn og nokre leika i snøen.

Då me skulle dra såg været ganske dårleg ut, men i Sirdalen var det opphald og masse snø. Eg gjekk på ski innover til Steinbu. Det var ein kjempefin tur. Nokre av løypene hadde blåst litt igjen, men dei oransje brøytepinnane gjorde susen. Turen var ca 17 km lang og tok ca. 2 ½ time. Utforkøyringane heim var kjempegilde.

Då me kom ned, rant me i bakkane på Fidjeland og åt maten vår. Tida fløy alt for fort og vips var skidagen over.
På bussturen heim var det godt humør, og alle var einige om at dei hadde hatt ein super dag!