Kven?

"Hvem skjuler seg bak nissemaska konkurransen 2006" er nå slutt. Med ei dramatisk avsluttning, har eg kome fram til ein vinnar. Likevel har ikkje det vore lett! Årets konkurranse har nemleg vore prega av to svært ivrige deltakarar, som verkeleg har blødd for drakta.





I går la eg ut den siste nissen. Som sikkert fleire fekk med seg var det "Erik Solbakken", den nye leiarspira i julemorgen som skjulte seg bak nissemaska.
Stine var først ute og svara: "dæ æ han i julemorgen, programledaren!!! men æg he kje ti å finna ud kæ an hette! ska i kjørkå!! "
Ca 2 minutt seinare kjem Asle inn og skriv: "Erik Solbakken"
Kva skal då dommaren gjera? Og kven er eigentleg ein verdig vinnar av "Hvem skjuler seg bak nissemaska konkurransen 2006?"

Tidlegare i konkurransen hadde me eit liknande tilfelle. Då Lars Berger skjulte seg bak nissemaska, var Kristin først inne og svara: Han der Berge, skiskyteren? Ei stund etterpå kjem Stine inn og skriv: Eg trur dæ æ Lars Berger...kristin, han hette ikke berge:P
Stine hadde ikkje klart oppgåva dersom det ikkje hadde vore for Kristin. Eg gav dei derfor eit halvt poeng kvar.

Gjennom heile konkurransen har eg fått høyra at kalendaren min er korrupt. Svært korrupt! For at ikkje kalendaren min skal vera så korrupt som alle vil ha det til, måtte eg be om råd frå familien. Fleirtalet bestemte at premien til årets nissekonkurranse går til ikkje berre ein, men to! Stine Bjelland og Asle Ege Aarsland kjem derfor på ein delt førsteplass, og får ein premie kvar.

Dersom deltakarane ønsker å ha ei ekstraoppgåve, og vil kåra berre ein vinnar skal dei få lov til det. Likevel tykkjer eg og fleire i familien min at tittelen i år blir skal delt!