Alkoholforbod på julafta!

For nokre dagar sidan, diskuterte me temaet alkohol på skulen. Me skulle laga reglar for foreldre! Eg kom dermed opp med min fantastiske regel: - Alkoholforbod på julafta! Er ikkje det ein fantastisk regel? Julafta er ungane sin dag, og me feirer at Jesus vart fødd! Derfor er det heilt patetisk at i nokre familiar må foreldrene ta eit glas vin til maten. Det inneheld jo alkohol! Kvifor må dei drikka alkohol når dei like godt kan ta eit glas julebrus slik som julebruskongen? Alkohol høyrer ikkje heime i jula! "Me skålar med vin, øl og akevitt for at Jesus vart fødd!" Det heng ikkje på greip! Kvifor kan ikkje berre foreldre la være og drikka? Det er ikkje det at dei drikk seg fulle, men at dei MÅ ha vin til maten! Men det er faktisk slik at i nokre familiar sit ungane åleine og pakkar opp pakkane, mens foreldra sjanglar med glaset i den eine neven, og tømar innpå med voksenbrus. Dette vart ein svær dikusjon på skulen, og problemet var at nesten ingen støtta meg, kun Hanne og Stine (det er ikkje barebare det altså, men uansett)! Nesten alle synest synd på foreldrene sine: "Dei må jo få lov å drikka på julafta, det blir jo akkurat som om du ikkje får lov til å drikka brus". Det er det ikkje! Eg vart fykande sint inni meg! Alkohol høyrer ikkje heime på "aptå"!