Alt kjem ut før eller seinare

Gjerbakst er noko av den beste maten som finnst. Spesielt nå han er fersk og lukter godt. Kanelrullar er ein slik gjærbakst som du aldri kan få nok av. Smaken er herleg og du kan dra heile rullen ut og eta han litt etter litt. Nammmmm! Som regel blir eg alltid glad når eg ser ein kanelrull, same kvar han ligg, men når han ligg i do er det ikkje så veldig fristande.
Det opplevde nemleg eg på fredag.

Eg var på do i friminuttet, og i det eg kjem inn oppdagar eg at det ligg noko nede i do. "Kva kan det vera", tenkte eg, og kikka etter. Eg stokk når eg såg at det som låg nede i do, faktisk var ein kanelrull! "Det ligg ein kanelrull i do", ropte eg då eg kom ut. Men det eg ikkje kom på var at Bjarte stod utanfor og snakka med dei andre. Han såg bare dumt på meg og sa :"Han kjem jo ut før eller seinare". Dei andre lo, og lo, mens eg stod der og følte meg kjempedum. "Ja, men det ligg ein kanelrull i do", sa eg til dei andre. "Ikkje snakk om slikt noko nå", sa Bjarte. Dei andre spruta av latter, og eg må inrømma at eg lo ein del sjølv og. Etter det som me forstod, hadde Bjarte misforstått alt saman. Han trudde at kanelrullen var noko anna! Noko litt eklare.


Derfor ler me fortsatt av denne kanelrullen som låg i do. Hanne, Ingvild og Stine lo så fælt at dei fekk vondt i magen.